Х.Баттулга: Энэ бол Монголчуудын өөрсдийн хүчээр барьж буй анхны том бүтээн байгуулалт юм

Х.Баттулга: Энэ бол Монголчуудын өөрсдийн хүчээр барьж буй анхны том бүтээн байгуулалт юм

Image

Өнгөрөгч амралтын өдрүүдэд Монгол Улсын Ерөнхийлөгч Х.Баттулга, Монгол Улсын сайд, ЗГХЭГ-ын дарга Л.Оюун-Эрдэнэ, УУХҮ-ийн сайд Д.Сумъяабазар, ЗТХ-ийн сайд Б.Энх-Амгалан нар Дорноговь аймагт ажиллаж, Үндэсний их бүтээн байгуулалт болох Таван толгой-Зүүнбаян чиглэлийн 414.6 километр төмөр замын ажлын явц, гүйцэтгэлийг шалгаж, зарим үүрэг даалгаврыг өглөө.

Ерөнхийлөгч Х.Баттулга “Төмөр замын бүтээн байгуулалтын ажлын явц эрчимтэй үргэлжилж байна. Энэ бол Монголчуудын өөрсдийн хүчээр барьж байгуулж буй анхны томоохон бүтээн байгуулалт юм” хэмээн онцлоод энэхүү бүтээн байгуулалтад гар бие оролцож буй бүх хүнд талархал илэрхийлэн, гэрээнд заасан хугацаанд нь ашиглалтад оруулахад анхаарч, хичээнгүйлэн ажиллахыг хүслээ.

Таван толгой-Зүүнбаян чиглэлийн төмөр замын доод бүтцийн барилга угсралтын ажлын ерөнхий гүйцэтгэгээр ЗХЖШ, туслан гүйцэтгэгчээр дотоодын найман компани консерциум болон ажиллаж байгаа ба суурь бүтцийн ажилд одоогоор 273 техник, тоног төхөөрөмж, 493 хүн хүч ажиллаж байна.

Зам, тээврийн хөгжлийн сайд Б.Энх-Амгалан “Эх орныхоо бүтээн байгуулалтад Зэвсэгт хүчний анги нэгтгэлийг татан оролцуулж байгаа нь их үр дүнтэй байна. Тэдний давуу тал нь хариуцлагатай, зохион байгуулалт сайтай байдаг. Тухайлбал, эхний хэсгийн газар шорооны ажлыг 127 хувьтай хийж гүйцэтгэснээс нь тодхон харж болно” хэмээн онцлон тэмдэглэлээ. Мөн тэрбээр, техник, хүн хүчээ нэмэгдүүлж хугацаа хожих, үндэсний аж ахуйн нэгжүүдээ нээлттэйгээр сонгон оролцуулж, ажлаа эрчимжүүлэхийг холбогдох албаны хүмүүст үүрэг болгов.

Таван толгой-Зүүнбаян чиглэлийн 414.6 километр төмөр замын ерөнхий захиалагчаар МТЗ ТӨХК, гүйцэтгэгчээр ЗХЖШ, дээд бүтцийн гүйцэтгэгчээр УБТЗ ХНН ажиллаж байна. Энэхүү төмөр зам ашиглалтад орсноор зам дагасан суурьшлын бүс шинээр бий болж, хэдэн мянган хүн ажлын байраар хангагдан, төмөр замын дэд бүтэц хөгжихийн зэрэгцээ байгаль орчинд үзүүлэх сөрөг нөлөө, тоосжилт, дуу шуугиан, хөрс болон агаарын бохирдлын асуудал үлэмж хэмжээгээр багасах юм. Мөн Монгол Улсын уул уурхайн салбарын хөгжилд том нөлөө үзүүлж, уул уурхайн бүтээгдэхүүний үнийг өсгөн, тээвэрлэлтийн зардлыг бууруулж, цаашлаад ОХУ, БНХАУ-ын газар нутгаар дамжин далайн чанад дахь зах зээлд хүрэх эдийн засгийн болон стратегийн чухал ач холбогдолтой.

Дээрх чиглэлийн төмөр замын 30 километрийн радиуст Оюу толгой, Таван толгой, Цагаан суварга, Хармагтай зэрэг уул уурхайн томоохон орд газрууд оршдог бөгөөд төмөр зам ашиглалтад орсноор эдгээр ордууд эдийн засгийн эргэлтэд орж, үнэ цэнэ нь нэмэгдэн, цаашлаад боловсруулах үйлдвэр байгуулах боломж бүрдэх давуу талтай юм.

Сүүлд нэмэгдсэн мэдээллүүд

“ОЙЛГОЁ ХҮНДЭЛЬЕ-Гэр бүлийнхээ төлөө” аянд нэгдэхийг уриалж байна
2019-12-06 11:12:00
Монгол Улсын Ерөнхий сайд У.Хүрэлсүх Тавантолгой-Зүүнбаян чиглэлийн төмөр замын бүтээн байгуулалттай танилцлаа
2019-11-20 09:21:00
Тавантолгой-Зүүнбаян чиглэлийн эхний 1.9 км төмөр замыг өнөөдөр угсарлаа
2019-11-19 09:34:00
“Замын хөдөлгөөний аюулгүй байдлыг хангах үндэсний хөтөлбөр”-т хамрагдав
2019-11-13 14:30:00
Улсын архивын үзлэгт “Онц” дүгнэгдлээ
2019-11-06 15:30:00
Оросын төмөр замууд 2025 дижитал стратегийг эхлүүллээ
2019-11-04 14:02:00
Тяньжин хотоос Бээжин хотын шинэ олон улсын нисэх онгоцны буудал хүртэл шууд холбогдох төмөр зам баригдана
2019-11-01 11:00:00
Төлөөлөн удирдах зөвлөлийн хараат бус гишүүн сонгон шалгаруулах зар
2019-10-29 15:46:00
БНХАУ-ын Дарга Ши Жиньпин Непал Улсад шинэ төмөр зам барихад туслалцаа үзүүлэхээ амлалаа
2019-10-28 09:49:00
“Пандрол” бэхэлгээ 100 км төмөр замд хоёр сая доллар хэмнэнэ
2019-10-25 10:31:00
Тавантолгой-Зүүнбаян чиглэлийн төмөр замын бүтээн байгуулалтад хамтран ажиллах гэрээнд гарын үсэг зурлаа
2019-10-24 13:45:00
D180-16 загварын өндөр хүчин чадалтай дизель хөдөлгүүр зохион бүтээжээ
2019-10-21 15:52:00