Гүйцэтгэх захирлын мэндчилгээ

Image

Монгол Улсын Зам, тээврийн салбарт хүч хөдөлмөр, мэдлэг оюунаа дайчлан зүтгэж буй хүсэл эрмэлзэл, мэргэжил нэгт Эрхэм хүндэт төмөр замчид та бүхэнд айлчлан ирж буй шинэ оны мэндийг хүргэе!

“Монголын төмөр зам” ТӨХК энэ жил үүсэн байгуулагдсаны 10 жилийн ойтойгоо золголоо. Өдгөө бид Улаанбаатар хот, Сэлэнгэ аймгийн Хүдэр сум дахь “Төмөртэй” өртөө, Дорноговь аймгийн Замын-Үүд сум дахь “Бүс нутгийн логистикийн төв”-өөс бүрдсэн нийт 150 гаруй ажилтны бүрэлдэхүүнтэй үйл ажиллагаагаа эрхлэн явуулж байна.

            “Монголын төмөр зам” ТӨХК-ийн хамт олонд энэ онд онцлох чухал үйл явдал олон тохиолоо.

Тухайлбал, “Шинэ төмөр зам” төслийн бүтээн байгуулалтын ажлыг эрчимжүүлэх тухай Засгийн газрын тогтоолын дагуу бид энэ онд “Тавантолгой-Гашуунсухайт” чиглэлийн төмөр замын бүтээн байгуулалтыг үргэлжлүүлэхээр 2018 оны 10 дугаар сарын 08-ны өдөр “Эрдэнэс Тавантолгой” ХХК-тай хамтран “Тавантолгой төмөр зам” ХХК-ийг үүсгэн байгуулж, холбогдох ажлуудыг үе шаттайгаар хийж гүйцэтгэж байна.

Мөн “Тавантолгой-Зүүнбаян”, “Нарийнсухайт-Шивээхүрэн” чиглэлийн төмөр замын төслийн ажлыг эрчимжүүлэх хамтарсан компаниудыг байгуулах ажлууд үе шаттай явагдаж байна.

 

Манай компани өнгөрөгч онд өөрийн эзэмшлийн хөдлөх бүрэлдэхүүнээрээ 800 мянган тонн төмрийн хүдрийн тээвэрлэлт хийж Монгол Улсын ачаа тээх үйлсэд зохих хувь нэмрээ оруулан ажиллалаа.

Дорноговь аймгийн Замын-Үүд сум дахь “Бүс нутгийн логистикийн төв”-ийг энэ оны 10 сарын 15-ны өдөр нээж, нээлтийн үйл ажиллагааг амжилттай зохион байгууллаа. Тус төвийн барилгын бэлтгэл ажил бүрэн хангагдаж, ашиглалтад хүлээн авахад бэлэн болсон.

Мөн “Монголын төмөр зам” ТӨХК-ийн хэрэгжүүлж буй “Тяньжин дахь тээвэр логистикийн төв” төслийг хэрэгжүүлэх "Монгол порт групп" хязгаарлагдмал хариуцлагатай компанийг 2018 оны 12 дугаар сарын 10-ны өдөр БНХАУ-ын Өвөр Монголын өөртөө засах орны “Өвөр Монголын уурхайн үйлдвэрийн эд хөрөнгийн хамааралтын” ХХК-тай хамтран үүсгэн байгуулсан гэдгийг онцлон дурдахад таатай байна.

 

2018 оны 12-р сарын 13-ны өдөр БНХАУ-ын Бээжин хотод “Си Ар Ар Си интернейшнл” ХХК-тай хамтын ажиллагааны харилцан ойлголцлын Санамж бичиг байгуулсан. Уг Санамж бичгийг байгуулснаар компанийн хэрэгжүүлж буй төсөл хөтөлбөрүүдэд хамтран ажиллах, төмөр замын хөдлөх бүрэлдэхүүн, тэдгээрийн шаардлагатай тоног төхөөрөмж сэлбэг хэрэгслийг хөнгөлөлттэй үнээр худалдан авах, инженер техникийн ажилтнуудыг хөнгөлөлттэй нөхцөлөөр сургаж дадлагажуулах зэрэг өргөн хүрээнд хамтран ажиллах боломжтой боллоо.

2018 онд бид олон төсөл хөтөлбөрүүдийг эрчимжүүлэх, хэрэгжүүлэх эхлэлийг тавьж чадлаа. Та бүхэн хийсэн бүтээснээ дүгнэн цэгнэж, алдаа оноогоо дэнслэн, айлчлан ирж буй 2019 ондоо амжилт бүтээлээр дүүрэн байхын өлзийтэй ерөөлийг дэвшүүлье.

 

 

 

“МОНГОЛЫН ТӨМӨР ЗАМ” ТӨХК-ИЙН

ГҮЙЦЭТГЭХ ЗАХИРАЛ Б.ЦЭНГЭЛ

Нийтлэгдсэн огноо: 2018-12-28 09:29:00
“МТЗ” ТӨХК-ийн хамт олон 2018 оны ажлаа дүгнэлээ
2019-01-11 16:14:00

Машинч нарын хомсдол
2019-01-07 10:22:00

Зам, тээврийн хөгжлийн сайдын шуурхай хурал боллоо
2019-01-02 16:52:00

Төмөр замын гриплийг танилцууллаа
2019-01-02 10:12:00

Гүйцэтгэх захирлын мэндчилгээ
2018-12-28 09:29:00
Яг одоо уншиж байна

ЗТХ-ийн сайд Я.Содбаатар Европын холбооны гишүүн улсуудаас Монгол Улсад суугаа элчин сайд нартай уулзав
2018-12-10 13:30:00

БНХАУ-ын ачааны вагоны тэргэнцэрт Хойд Америкийн төмөр замын холбоо гэрчилгээ олгов
2018-12-10 09:56:00

AI роботыг Токиогийн галт тэрэгний буудалд ажиллуулна
2018-12-03 09:56:00

Африк тивийн анхны өндөр хурдны төмөр зам ашиглалтад орлоо
2018-11-30 13:48:00

Зам, тээврийн хөгжлийн сайд Я.Содбаатар ОХУ-ын Тээврийн сайд Е.И.Дитрихтэй уулзалт хийлээ
2018-11-29 09:46:00

ОХУ Вена хот хүртэл өргөн царигийн төмөр замтай болно
2018-11-27 09:47:00

“Авлигын эсрэг сургалт” зохион байгуулж байна
2018-11-22 11:24:00

Терроризмын эсрэг судалгааны Sherpa төслийг UIC эхлүүллээ
2018-11-20 15:14:00

Си Ар Ар Си компани Турк Улсад төмөр замын судалгааны хамтарсан төв байгууллаа
2018-11-19 10:02:00

Умард туйлын бүсэд шинэ төмөр замын төсөл эхлүүлнэ
2018-11-16 15:41:00

Төмөр замын робот цагдааг байрлуулжээ
2018-11-14 11:34:00

ОХУ-БНХАУ чиглэлийн төмөр замын тээврийн тарифыг бууруулах асуудлыг хэлэлцэж байна
2018-11-12 12:07:00

"Бүс нутгийн логистикийн төв" ашиглалтад орсноор орон нутагт 200 гаруй ажлын байр нэмэгдэнэ
2018-11-06 17:00:00

Екатеринбург-Эрээн чиглэлийн анхны ачаа тээвэр Орос-Монголын хилд хүрлээ
2018-11-05 09:47:00

Хятадын анхны агаарын цахилгаанжуулсан төмөр зам баригдлаа
2018-11-02 14:43:00