“Тавантолгой-Зүүнбаян" чиглэлийн төмөр замын дохиолол холбооны систем суурилуулах ажлын хүрээнд БНСУ-д “Солонгосын Үндэсний төмөр зам” ТӨХК-ийн сүүлийн үеийн дохиолол төвлөрүүлэлт хориглолын системийн талаар туршлага судлах, чадавхжуулах II ээлжийн сургалт 2022.05.09-2022.05.27 ны өдрүүдэд зохион байгуулагдаж “Монголын төмөр зам” ТӨХК-ийн 12 инженер техникийн мэргэжилтнүүд хамрагдан чадамжийн гэрчилгээгээ гардан авлаа.

Энэ өдөр Төлөөлөн удирдах зөвлөлийн хурлаар Гүйцэтгэх захирал О.Батнасан өөрийн хүсэлтээр чөлөөлөгдөж, П.Ганхүүг “Монголын төмөр зам” ТӨХК-ийн Гүйцэтгэх захирлаар томиллоо.

Монгол Улсын Ерөнхийлөгч У.Хүрэлсүхийн санаачлан эхлүүлсэн “Тэрбум мод” үндэсний хөдөлгөөнд “Монголын төмөр зам” ТӨХК нэгдэж энэ жил “Тавантолгой-Зүүнбаян” чиглэлийн төмөр зам дагуу нийт 33.000 мод тарихаар төлөвлөснөөс эхний 1000 модны суулгацыг энэ сарын 13-ны өдөр Тавантолгой-Зүүнбаян чиглэлийн төмөр замын өртөө зөрлөгүүдэд тарьжээ.

“Монголын төмөр зам” ТӨХК нь “зураг төсөл боловсруулах-барих-ашиглах-шилжүүлэх” концессын төрлөөр хэрэгжих Арцсуурь-Нарийнсухайт-Шивээхүрэн, Чойбалсан-Хөөт-Бичигт чиглэлийн төмөр замын төсөлд хөрөнгө оруулж, хамтран хэрэгжүүлэх сонирхол бүхий гадаад, дотоодын хуулийн этгээд, түүний нэгдлийг урьдчилсан сонголтод саналаа ирүүлэхийг урьж байна.

“Монголын төмөр зам” ТӨХК  нь Мод тарих үндэсний өдрийг угтаж эхний ээлжинд “Тавантолгой-Зүүнбаян” чиглэлийн төмөр замын “Цогтцэций өртөө” болон 6 зөрлөгт говийн хөрсөнд үрслүүлсэн 1000 ширхэг модны суулгац тарьж эхэллээ.