“Монголын төмөр зам” ТӨХК-ийн Вагоны хэлтсийн ашиглалтын инженер, “Дархан Цагаан морь” шатрын клубын тамирчин Энхбаярын Амаржаргал Монголын шатрын холбооноос Олон улсын хэмжээний мастер (IM) цол хүртлээ.

Э. Амаржаргал нь шатрын спортоор олон жил хичээллэж, дотоод, гадаадын олон тэмцээнд амжилттай оролцож ирсэн бөгөөд өдгөө 160 гаруй медаль, шагналын эзэн болоод байна.

Түүний гаргасан онцлох амжилтуудаас дурдвал:

• Өсвөрийн улсын аварга шалгаруулах тэмцээнээс алт, мөнгө, хүрэл медаль нийт 6;
• Монгол Улсын насанд хүрэгчдийн блицийн улсын аварга шалгаруулах тэмцээнд 4 дүгээр байр;
• Монгол Улсаа төлөөлөн дэлхийн болон Азийн аварга шалгаруулах тэмцээнд 4 удаа оролцсон;
• 2015 онд Грек Улсад зохион байгуулагдсан блицийн тэмцээнд 1 дүгээр байр эзэлсэн;
• 2018 онд Итали Улсад зохион байгуулагдсан U2000 ангиллын тэмцээнээс хүрэл медаль;
• БНСУ-д зохион байгуулагдсан нөхөрсөг тэмцээнд алтан медаль;
• ОХУ-д зохион байгуулагдсан Иволгинскийн залуучуудын аварга шалгаруулах тэмцээнд алтан медаль хүртсэн.

Түүнчлэн Э. Амаржаргал нь төмөр замын салбарын 16 мянга гаруй ажилтны дундаас 2018 оны “Шилдгийн шилдэг тамирчин”-аар шалгарч, салбарынхаа спортын амжилтыг ахиулсан байна.